الحد الاقصى للفجور

19 01 2012

حزب الله: خيّ نحنا أولويتنا مقاومة .. يعني مناكل ومنشرب ومنلبس مقاومة .. أمّا موضوع الاجور نحن ما خصنّا في الاّ إذا عمل غابي أشكينازي شي تصريح. من بعد الخطيئة الاولى بعدم التصويت لشربل نحاس، عملنا لقاء قمة وطلع معنا إنو ضروري نرجع نقوي دعائم وثيقة تفاهم 6 شباط .. أساساً نحنا صوتنا لصالح نحاس بمجلس الوزرا بتاريخ 18 كانون الثاني بس لانو عارفين مش رح يمشي!

حركة أمل: نحنا ما كنا بوارد نفوت بهالمعمعة .. أيّا أجور أيّا من يحزنون .. عارضنا مشروع نحاس لانو كان بدو يعمل تغطية صحية شاملة وهيدا الشي بيفرض إصلاح الضمان الاجتماعي من أساسو .. وهيدا الشي يلي ما بدنا إياه أبداً .. أصلاً لو ما هيك ما كان علي حسن خليل حضّر خطة للبطاقة الصحية بظرف أسبوع واحد .. يا جماعة شربل نحّاس خلاً حركة أمل تعمل إستراتيجية وطنية صحية بأسبوع واحد وهيدا بحد ذاتو إنجاز وطني .. مش بوارد نعطي أيّ ” كرديت ” لعون .. نحنا عادةً شعارنا مناخد ما منعطي وأوعا تصدقوا في كلمة ” تنمية ” قبل ” التحرير ” .. هيدا بس حشو.

التيّار الوطني الحر: حر بإنو ما عارف حالو الله وين حاطو. بالنسبة لعون، شاف بشربل نحاس حدا كتير مهني وأكاديمي بيفند كل القصص قانونياً وأهم شي انو بيعارض نهج الحريرية السياسية. لعب بالاوّل لعبة سولد .. تبيّن انو فادي عبود مش وفي لحليفو السياسي بقدر ما بيحمل مصالح البورجوازية كونو كان رئيس جمعية الصناعيين ومن نفس المنطلق صوت وزير الصناعة، فريج صابونجيان، ضدّ مشروع نحاس. حاول شربل مراراً وتكراراً ومن بعد رص الصفوف من قبل ” الجنرال ” عادو صوتو كلون مع خطة نحاس .. يلي رجّع ردّا مجلس شورى الدولة .. ارتبكو الوزرا وما عارفو شو بدون يعملو .. يوم الثلاتا الماضي ب 17 الشهر إجتمع ميشال عون مع نجيب ميقاتي ببيت جبران باسيل وكان القرار كالتالي: التيّار ببيع ” مشروع نحاس ” لصالح ” الصهر الحبيب ” ب 16 مليون دولار كتلفة لمشاريع المياه في البترون .. طبعاً لانو إنتخابات الجنرال أهم من مية قضية أجور.

نجيب ميقاتي: كان مفكر في يحسّن وضعية حكومتو إدام المواطنين .. ما كان بدّو يعمل كل هالاجتماعات يلي بلا طعمة .. أصلاً ما عندو مانع يكون مع الهيئات الاقتصادية وبيقولا ع راس السطح .. ما تنسى انو حضرتو من أغنى أغنياء البلد.

عموم قوى 14 آذار: للوهلة الاولى حست حالها مضطرة تدافع عن العمال والموظفين .. وهيدا شي من عاويدا أكيد وحستّا كتير ” vulgar ” .. صعبة مثلاً يعملوا مظاهرة للفقرا .. لانو ساعتا شركة”  ساتشي أند ساتشي ” بتبطّل قادرة تخترع شعارات الثورة. بالمرحلة يلي كان موضوع الاجور حامي بالنقاش السياسي، بينّو كل هيدول ” الاكس يسار ” تبع 14 آذار يعني ديكور المرحلة .. هيدول يلي كاتن عندون مخزون ماركسي عتيق. الله وكيلكون إضطر محمد عبد الحميد بيضون ( أكس حركة أمل) بالاستعانة بأدبيات منظمة العمل الشيوعي ليركّب جملة مفيدة عن عدالة الاجور طبعاً هيدي المصطلحات مش حباً بعلي بس كرهاً بمعاوية.

الهيئات الاقتصادية: الاسم الحركي للطبقة السياسية اللبنانية

وزير العمل: في الجمهورية اللبنانية، وزير بيدافع عن حقوق العمال أكتر من الاتحاد العمالي العام.

الاتحاد العمالي العام: عمي فكر يغير اسمو بسنة ال 2012 .. ودعا المكتب التنفيذي للانعقاد سريعاً ليختار بين اسمين

الاسم الاوّل: الانتحار العمالي العام

الاسم الثاني: الهيئات الاقتصادية


 

 

 

 

 

Advertisements




عن الاهمال والتسيب في شوارعنا

18 01 2012








Sekkar Melih | ســــكّر مالــــح

قالَ البيتْ خُذوني مَعَكُمْ | أعطيناه الدّمْعُ ورُحنا

مدونة تريلا – خبريات لبنانية متصالحة مع ماضيها

أنا نصف مجنون أبحث عن نصفي الاخر. حياتي كناية عن فوضى منظمّة .. هوايتي المفضلة أن أدفع الامور نحو الهاوية ثم أترقب لحظة سقوطها على نحو يثير اللذة في تكرار مغامرة قاتلة. بين الاكاديميا والحب والنضال .. جنون يخترق جدية الحياة فيجعلها في مرمى النيران

لبناني

مساحة حرة لنقد 14 و 8 آذار ... بلا قيود غير المواطنية

جوعان... مواطن ضد الأنظمة المزورة

هكذا يكون الجوع خطيراً، ثائراً وعميق الإنتماء

%d مدونون معجبون بهذه: