أكتر من حكي 2

25 08 2012

إذا ثبت بالوجه الشرعي الملموس إنّو اليسا تؤيد حزب القوات اللبنانية فعلياً بيعني هيدا الشي في رابط منطقي بين ألبومها الاخير والمد الاخواني نظراً لانو القوات من أشد المدافعين عن ” الربيع العربي “. وتانياً الجماعة عندن تاريخ طويل مع المجلس العسكري .. هيدا هوي ذاتو يلي موجود بمصر ف عرفتوا أين تكمن العلاقة الجدلية

الملحدين صار عندن حجة إضافية ت يناقشوا فيا المؤمنين. يعني معقول يكون في الله وتفشل محاولة إغتيال سمير جعجع (وبطرس حرب إستطراداً) .. ايه هيدي الله ما قالها.

أنا بس شوف حسّان الداعوق بيجي ع بالي حطّو بدعاية ال 3G  بلكي بيصير ” بطيء ” .. معقول وزير إعلام هلقّد بدا الكلمة تتطلع من تمو.

لكل ” المصطادين بالماء العكر ” وأد ما ناكونا ب هالكلمة موخراً .. أولى بشائر الجهد المشترك بلش يبين.

على فوقا كيف فيك تكون أمين عام وحزبّك هو رب الديمقراطية وبدّك تجدد ولايتك. وكمان إنت عارضت التمديد لاميل لحود. ركبّا خيّ .. ما بتركب هيك علاقة

بس حضرتك يا مدام جربّي تكوني بعلاقة .. ما إنتي مش خسراني شي بالعكس أنا يلي خسران.

مش ضروري ينقطع التواصل .. إكتشفي جمالك بالاوّل وشوفي إنو ” رغم الزهر اللي بيطلع بحقول وشو ما تشرحلي وتقول حبيبي ت نرجع مش معقول .. عندي سنونو وفي عندي قرميد وبعرف شو يعني إذا انت بعيد”

ايه .. أنا يلي بعرف شو يعني إذا كنت بعيد

ما فيكي يا مدام تتطوشينا بالكعب العالي. بالاذن من الرفيق محمد قاروط بس هالكعب قدّ منو عالي فيكي تنتحري عليه.

علّي قد ما بدك لانو أنا واقف ع أعصابي من زمان

ستي لمّا كانت ترقيني كانت تقلّي ” حوطّك ب الله ” بس هلاء لما ستي بطلت قادرة ترقيني صار كل شي محواطني.

في مايو ( شورت بحر) حقّو 50 دولار أجلّك. العمى 50 دولار حق شقفة قماش تغطي فيا عضوك التناسلي.

ايه هوي عادةً بتدفع عالمبلغ أو أكتر شوي لتفرجي مش لتخبي.

فكروا فيها منيح .. وانت بعدك عم تحكيني ب: تكثيف الجهود، توحيد الرؤى، رأب الصدع، مجابهة المشروع، إستعادة الطبقة العاملة من كبوتها، تحرير الطبقة العاملة من كبوتها، …

خطفيني .. لانّو من اليوم يلي شفتك في صرت ” مقدادي الهوى “

يتبع في أجزاء أخرى

Advertisements

إجراءات

Information

4 تعليقات

25 08 2012
خواطر أنثى

هاهاهاها قوية, وعلی فكرة مش نص مجنون, مجنون ونص!

25 08 2012
Aymanknaifati

Reblogged this on Zeusapien/ زوسابين and commented:
comrade Atallah

25 08 2012
atallahalsalim

ايه هيفا .. الجزء الثاني أقل ” عجقة” من الجزء الاول.
بلشت تتوضح

25 08 2012
محمد خلف

لوووووول

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s




Sekkar Melih | ســــكّر مالــــح

قالَ البيتْ خُذوني مَعَكُمْ | أعطيناه الدّمْعُ ورُحنا

مدونة تريلا – خبريات لبنانية متصالحة مع ماضيها

أنا نصف مجنون أبحث عن نصفي الاخر. حياتي كناية عن فوضى منظمّة .. هوايتي المفضلة أن أدفع الامور نحو الهاوية ثم أترقب لحظة سقوطها على نحو يثير اللذة في تكرار مغامرة قاتلة. بين الاكاديميا والحب والنضال .. جنون يخترق جدية الحياة فيجعلها في مرمى النيران

لبناني

مساحة حرة لنقد 14 و 8 آذار ... بلا قيود غير المواطنية

جوعان... مواطن ضد الأنظمة المزورة

هكذا يكون الجوع خطيراً، ثائراً وعميق الإنتماء

%d مدونون معجبون بهذه: