اشتياق الروح .. على وقع الحنين

30 09 2014

نسرين زهر الدين 

تناولت رشفة من فنجان القهوة أمامها بينما استقرت دمعة مالحة كثيفة على الاكياس المنتفخة تحت عين متعبة اضناها السهر والسفر وكثير من الاحزان.

اطلت شمس الظهيرة خجولة من وراء الستائر تبعث نوراً لنهار بارد خارجاً غير ان المنزل يضج بالدفء في قاعدة ثابتة في تلك البلاد، المنازل الدافئة بينما الثلج القطبي يقتل اي إشارة للحياة خارجاً.

أقرأ باقي الموضوع »





الكلمة سلاح؟

26 09 2014

داني حدّاد يكتب في المدونة: 

الكلمة سلاح ومن يملك الكلمة يملك مفاتيح الدخول الى عقول وقلوب المواطنين. هي ميزة السياسيين في لبنان. يعتزون ويفتخرون بها، نعم انهم يملكون السر. نعم انهم متكلمون لبقون ونحن مستمعون لبقون ايضاً. كيف لا ونحن ننصاع لما يقولونه لنا دون مجادلة او مهادنة. كيف لا وهم يهددوننا كل يومٍ في كهربائنا ومائنا وغذائنا ودوائنا في منازلنا، في جامعاتنا (سواء اكانت خاصة والآن الجامعة اللبنانية) على الطرقات (المقطوعة تحت عدة اشعارات وفي جميع المناسبات) ونحن لم نثور ولن نثور ابداً . كيف لا ونحن شعب لا ننسى شهدائنا ولا نفكر ابدً بأحيائنا، كيف لا ونحن نموت كل يومٍ الف مرة ولا من مجيب.

أقرأ باقي الموضوع »





حلا فيكي

9 09 2014

بالوقت الحالي، كل أحلامي منصبة ع شي واحد الا وهو: بتمنى مثلا اطلع بشي سرفيس .. افتح هاي يللي بتحمي من الشمس .. ايه مثلا ما فيكي لانو بينزل ع راسك شي الف طن من المستندات والاوراق المطلوبة .. ع فوقا انت مطلوبة: بس لمين … ؟ اذا مثلا في تقارب في مطرح بين وهيدا التقارب يترجم بمعادلة : س-س هيدي غير المعادلة الشهيرة تبع نبيه بري .. هيدي تحديدا “الاكرونيمز ” بمحل ما هو محطوط .. منرجع وبلا طول سيري .. ع فكرة انت سيري والرب حميها متل هاي يللي بتنكتب ع مؤخرة الباصات أو ع مؤخرتهن لا فرق .. ما فيني انسى اجمالا هيدا أكتر شي بيعاني منو .. من جملة ما بعاني أنا كيف بيطلع وزني بسرعة.. معاناة الله وكيلك .. يعني بتشبه معاناة فارس سعيد والامانة العامة تبع 14 آذار من بعد ” انعطافة ” وليد جنبلاط .. اذا نقص وزنك يعني ما زاد .. واذا زاد وزنك يعني ما نقص .. منعاً لاي التباس ممكن يحصل ما في ينقص ويزيد بنفس الوقت .. ايه طيب كيف لكن بينوجد ادامك كل الحلا .. ما انت هوي…

15 آب 2009





نشيد القلق

4 09 2014

بتعيش بدوامة من القلق ..
قلق ع: الجيبة والشغل والحب
وطبعا ما ننسى المصير الوطني
يعني، كلّو قلق ع قلق
مواعيد كل يوم .. بتغطي فيا الوقت
ت ما تحس بهول الصدمة ..
والصدمة ما بتكون عنيفة الاّ بأوقات كتيرة ..
ممنوع تحكي فيا في ظل
المناخ الوطني الجامع ومنعا للانقسام الفئوي
وانت على ما يبدو مش فهمانة
انو كلمة ” مشتاقلك ” هي أكبر تحدي.. بعد تحدي
اقرار الموازنة والتعيينات بصيغة جامعة
وهيدي الصيغة ممنوع تصيغا ..
لانو اذا ولا بد اكتملت .. بدها تقّش أحلامك
ومساقبة .. سبحانه تعالى.. انّو اذا اكتملت على سكرة
وقررت وقتا تخلي 20 % من قدرتك العقلية..
لانو بدك ترجع ع البيت وما ضيع بالعنوان ..
ايه بس بدك تنام يعني .. هونيك بهيدي اللحظة تحديدا ..
بتستنتج ادي هيدا القرار غبي وفاشل
انك تخلي 20 % من عقلك
يعني عمليا صدمة !
لانو عندي موعد دايم مع الامل ..
لانو أهواك ..

وانساك
واتريني بانسى جفاك
واشتاق لعذابي معاك
والقى دموعي فكراك ارجع تاني
وهوي جفاك ومعاك
هيدول التنين سوا ..
القلق بحد ذاتو ..
عطاالله” مش كتير” سليم 
مش 8 ولا 14 آذار 2010





عناية فائقة فيكي

2 09 2014

أسرع من البرق مثلا أو أسرع من عيتاني معزوم على غذا أو عشا ما بتفرق .. هيدي مثلا أبرز العبارات يللي بتنقال عن السرعة .. بس في نوعية سرعة تانية: مثلا شو في أسرع من زمور بينطلق بعد ثانية واحدة بس لما تضوي اشارة خضرا ع تقاطع بشارة الخوري تحديدا .. بطبيعة الحال ما كتير بيمشي من دون تحرك على مستوى ” حس المسؤولية ” .. هيدي اكتر شي بتهلك لانو فيها حس ومسؤولية ماشيين سوا .. بعمرن ما كانو متفقين الا عند قيادة الحزب الشيوعي اللبناني .. فيا حس ومسؤولية وأشياء اخرى بس مش ناوية تستقيل لربما حفاظاً على الحس العام أو ” الاداب العامة ” ما بتفرق. ع فوقا، كان في حدا من مدة وبعدو ” معزوم ” ع الغدا .. هوي حدا وغدا ومتل ما بدو بصير .. في سرعة بديهة هاي نسينا ” نعرج ” عليها، بس مأكد انو عندك كتير منا لانو ” بديهة ” انتي شو حلوة.

20 آب 2009 








Sekkar Melih | ســــكّر مالــــح

قالَ البيتْ خُذوني مَعَكُمْ | أعطيناه الدّمْعُ ورُحنا

مدونة تريلا – خبريات لبنانية متصالحة مع ماضيها

أنا نصف مجنون أبحث عن نصفي الاخر. حياتي كناية عن فوضى منظمّة .. هوايتي المفضلة أن أدفع الامور نحو الهاوية ثم أترقب لحظة سقوطها على نحو يثير اللذة في تكرار مغامرة قاتلة. بين الاكاديميا والحب والنضال .. جنون يخترق جدية الحياة فيجعلها في مرمى النيران

لبناني

مساحة حرة لنقد 14 و 8 آذار ... بلا قيود غير المواطنية

جوعان... مواطن ضد الأنظمة المزورة

هكذا يكون الجوع خطيراً، ثائراً وعميق الإنتماء

%d مدونون معجبون بهذه: